Avadanlıq İtaliya brendidir. Qaçışı evdə də asanlıqla reallaşdıra bilməyiniz üçün dizayn və istehsal olunmuşdur. Məhsula 1 kiloqramlıq qantellər və masaj aparatı da daxildir. Qaçış qurğusu fərqli forma və templərdə qaça bilməyiniz üçün proqramlaşdırılıb.
Fayda və üstünlükləri:
Qaçış qurğusu 3,5 at gücündə mühərrikə sahibdir. Belə güclü mühərrik sizə saatda 18 km sürətlə qaçmaq imkanı yaradır. Ferro F-55+ qaçış qurğusu sizə özünüzü idman zalındakı kimi hiss etdirəcək. Qaçış qurğusu idman zalında olan professional qaçış qurğularından demək olar fərqlənmir. Qaçış həyatınızın ayrılmaz bir hissəsidirsə, bu avadanlığı seçmək sizin üçün bir üstünlükdür. Sensor ekranın köməkliyi ilə hərəkətlərinizi rahatlıqla idarə edə biləcəksiniz. Qaçış qurğusunun internetə çıxışı mövcuddur. Bu da sizə məşq müddətində film izləmək, elektron poçtunuzu idarə etmək, baş verən son hadisələrdən xəbər tutmaq imkanı yaradır. Avadanlıq həm aerobik, həm də arıqlamaq üçün olan qaçış proqramları ilə təmin olunub. Beləliklə, sadəcə proqramların köməkliyi ilə fərqli qaçış formalarından faydalana bilərsiniz. Hər proqramda qaçacağınız müddət, məsafə, yandıracağınız kalori miqdarı əvvəldən hesablanıb. Və artıq düşünməyə gərək qalmır ki, hansı qaçış formaları sizi arıqladacaq, hansılar isə formanızı qorumağa kömək edəcək. Bunu sizin yerinizə Ferro F-55+ edir. Ekrandan rahatlıqla yandırdığınız kalori miqdarını, məşq müddətinizi, ürək ritminizi və neçə kilometr qaçdığınızı izləyə bilərsiniz. Avadanlığın tutacaqlarında olan sensor metal nəbzinizi
ölçməyə kömək edir. Bunun üçün sadəcə qaçış müddətində həmin metaldan tutmağınız kifayətdir. Bu o demək deyil ki daimi tutacaqlardan tutub qaçmalısınız. Sadəcə ara-sıra nəbzinizə nəzarət edə bilmək üçün tutacaqlardan tutmağınız kifayətdir.
“Incline” (meyillilik) xüsusiyyəti qaçış çətinliyini artıracaq və daha çox tər tökmüş olacaqsınız. Qaçış qurğularında olan “Incline” xüsusiyyəti nədir? Avadanlığın ekranın altında olan hissəsinin nisbətən yüksəlməsidir. Beləliklə, bir növ yoxuşa doğru qaçırmış kimi bir effekt yaranır. Bu xüsusiyyətdən daha çox faydalanmaq üçün “Incline” faizini mərhələli şəkildə artırmağınız tövsiyə olunur. Məşq edənlər bilir ki, məşqdən əvvəl, sonra və məşq əsnasında su içmək vacibdir. Bu baxımdan qaçış qurğusunun ekranın yanlarında su qablarınızı qoymaq üçün yerlər var. Mobil telefonunuzu qaçış müddətində yanınızdan ayırmaq istəmirsinizsə, bu yerlərdən onu qoymaq üçün də istifadə edə bilərsiniz.
Avadanlığa 1 kiloqramlıq 2 ədəd qantel və masaj aparatı daxildir. İdmanı həyatının bir parçasına çevirən insanlar bilir ki, qantellər istənilən məşqdə çox mühüm rol oynayır. Bu baxımdan məhsula daxil olan qantellərlə siz rahatlıqla istədiyiniz məşqi edə bilərsiniz. Məşqdən sonra ağrıyan və gərgin olan əzələlərinizi isə masaj aparatı ilə sakitləşdirməyiniz mümkündür.
Qaçış qurğusu rahatlıqla qatlanır. Avadanlığın evinizdə çox yer tutacağından qorxursunuzsa, hər məşqdən sonra qaçış qurğusunu rahatlıqla yığışdırmağınız mümkündür.
Xüsusi qeyd:
Qaçış qurğusunun götürə biləcəyi maksimum çəki 140 kiloqramdır. Hər 50-60 dəqiqəlik məşqinizdən sonra qaçış qurğusuna ən az 20-30 dəqiqə fasilə verməyiniz tövsiyə olunur. 30 məşq saatından bir qaçış qurğunuzu yağlamaq onun daha uzun ömürlü olmasına kömək edəcək. Qaçış qurğularında təhlükəsizlik açarı mövcuddur. Bu açarı çıxardıqda avadanlıq işləmir. Məşq əsnasında yıxılanda, yaxud uşaqların istifadəsindən qorumaq üçün təhlükəsizlik açarını çıxarmağınız kifayətdir. Qaçış qurğusunun çatdırılması, quraşdırılması ödənişsizdir. 1 il zəmanət verilir.
